افغانستان‌ما: وزارت صحت عامه اعلام کرده که سازمان جهانی صحت دوازده هزار کیت تشخیص ویروس کرونا و ده هزار کیت محافظتی به افغانستان کمک کرده است .
بر اساس اعلامیه وزارت صحت عامه، فیروزالدین فیروز، وزیر صحت عامه، دیروز (دوشنبه، ۲۵ حمل) رسما این کیت‌ها را از داکتر پیر کورن، نماینده سازمان جهانی صحت در افغانستان، تحویل گرفته است .
وزیر صحت عامه کشور گفته که مواد کمک شده از سوی سازمان جهانی صحت در حال حاضر از نیازمندی‌های ضروری این وزارت در راستای مبارزه با ویروس کرونا است .
او گفته این کمک‌ صحی می‌تواند وزارت صحت عامه را در راستای حفاظت از جان کارمندان بخش صحت در برابر ویروس کرونا و تشخیص این ویروس، کمک کند .
پیش از این، کشورهای چین و امارات متحده عربی نیز برای مبازره با ویروس کرونا، به افغانستان مواد صحی کمک کرده بودند .
ویروس کرونا در کشور در حال گسترش است و کمبود امکانات و تجهیزات صحی برای محافظت از کارمندان بخش صحت و تشخیص این ویروس، یکی از نگرانی‌ها است .